Գիտնականներն ուսումնասիրել են արտամարմնային բեղմնավորման ենթարկված 296 զույգերի տվյալները և տղամարդկանց բաժանել ըստ խմիչքի նախասիրությունների՝ թեյ, սուրճ, գարեջուր, թունդ ալկոհոլ և գազավորված ըմպելիք: Պտղաբերության ամենաբարձր ցուցանիշները գրանցվել են ամենաշատ գարեջուր խմածների շրջանում՝ զույգերի 59%-ը հաջողությամբ հղիացել է, գրել է «The Sun» թերթը։
Ընդ որում, ամենացածր պտղաբերությունը նկատվել է տղամարդկանց մոտ, ովքեր ամենից հաճախ կոֆեինով սուրճ և թեյ են օգտագործել։
Ըստ հետազոտության՝ խորհուրդ է տրվում, որ մարդիկ հղիություն պլանավորելիս ամբողջությամբ խուսափեն ալկոհոլից, քանի որ ալկոհոլի ավելցուկը նվազեցնում է պտղաբերությունը և խաթարում սերմի որակը։