Այսօր՝ մայիսի 2-ին, ավտովթար  է տեղի ունեցել Շիրակի մարզում: Ժամը 14:50-ի սահմաններում Գյումրի քաղաքի Գարեգին Նժդեհ և Ալեք Մանուկյան փողոցների խաչմերուկում բախվել են Շիրակի մարզի բնակիչներ 31-ամյա Ռոբերտ Ս.-ի վարած Dodge մակնիշի, 23-ամյա Արթուր Պ.-ի վարած Mercedes CLS 550  մակնիշի և 23-ամյա Հայկ Թ.-ի վարած ՎԱԶ 21099 մակնիշի ավտոմեքենաները: 

Ինչպես հայտնում է ֆոտոլրագրող Գագիկ Շամշյանը, վթարի հետևանքով Հայկ Թ.-ն, նրա ուղևոր՝ Շիրակի մարզի բնակիչ 31-ամյա Հովհաննես Պ.-ն և Dodge-ի ուղևոր՝ Շիրակի մարզի բնակիչ 34-ամյա Կառլեն Չ.-ն մարմնական վնասվածքներով տեղափոխվել են Գյումրու բժշկական կենտրոն:

Հրշեջ փրկարարները արգելափակված Dodge ավտոմեքենայի միջից դուրս են բերել վիրավորին և մոտեցերել շտապօգնության ավտոմեքենային, այնուհետև հոսանքազրկել են ավտոմեքենաները և սահմանազատել տարածքը: 

Վթարի փաստով Շիրակի մարզային Քննչական վարչությունում նախաձեռնվել է վարույթ: