Դրամի փոխարժեքը՝ այսօր
Եղանակը՝ այսօր
ՀԱՍԱՐԱԿՈՒԹՅՈՒՆ

«Հունցը տարալք, ողջ և առողջ ետ պերիք»․ արցախցիները կհավաքվեն Կարմիր խաչի արցախյան գրասենյակի դիմաց

Blog Image

Այսօր՝ ժամը 18։00-ին, Կարմիր խաչի միջազգային կոմիտեի արցախյան գրասենյակի դիմաց տեղի կունենա հավաք՝  68-ամյա քաղաքացուն վերադարձնելու պահանջով:

«Արցախպրեսի» փոխանցմամբ, հավաքի մասին կոչով հանդես է եկել՝ երգչուհի, հասարակական գործիչ, ակտիվիստ Լիլիթ Ավանեսյանը:

«Այսօր՝ ժամը 18։00-ին, Կարմիր խաչի գրասենյակի առաջ կազմակերպում ենք հավաք, մեր դժգոհությունն ու պահանջը ներկայացնինք միջազգային կառույցին՝ կատարել իրեն ստանձնած պարտականությունները և հետ վերադարձնել մեր 68-ամյա քաղաքացուն։

Հունցը տարալք, պարտավորվածք ողջ և առողջ ետ պերիք, ծեզ վստահալնք մեր քաղաքացուն, իսկ մեզ համար յուրաքանչյուր քաղաքացու կյանք թանկ է ամեն ինչից», - նշված է Ավանեսյանի ֆեյսբուքյան էջում։

Հիշեցնենք, որ Ադրբեջանի սահմանապահ ծառայության ներկայացուցիչների կողմից առևանգված արցախցին տեղափոխվել է անհայտ ուղղությամբ, ճակատագիրն անհայտ է։

Send