Արդեն 4850 քաղաքացի անցել է սահմանը և գտնվում է Հայաստանում։ Կոռնիձորում գտնվող այս հումանիտար կայաններում իրականացվում է վերջիններիս դիմավորումը, քաղաքացիները գրանցվում են, տեղի է ունենում կարիքների առաջնային գնահատումը։ Գործում է նաև Գորիսում գտնվող կոորդինացման կենտրոնը, որտեղ ուղարկվում են այն քաղաքացիները, որոնք ունեն օթևանի խնդիր։ Այս մասին լրագրողների հետ զրույցում ասաց ՀՀ ԱԳՆ ներկայացուցիչ Վարդան Սարգսյանը:
Նա նշեց, որ այնտեղ գրանցվելուց հետո, կարիքների խնդիրները լուծվելուց հետո վերջիններին տրամադրվում է համապատասխան կեցավայր։
«Գորիս տեղափոխվում են միայն նրանք, ովքեր չունեն օթևան։ Կեցավայրերը Սյունիքի մարզով չեն սահմանափակվելու։ Կառավարությունը պատրաստ է ընդունել Լեռնային Ղարաբաղից տեղահանված ժողովուրդին»,- հայտնեց ԼՂ-ում հումանիտար ճգնաժամի կառավարման աշխատանքային խմբի ներկայացուցիչ Վարդան Սարգսյանը։
Մանրամասները՝ տեսանյութում