Ադրբեջանի Միլի Մեջլիսի պատգամավոր Էլման Նասիրովն առաջարկել է վերանայել 2022թ․ բյուջեն։ Այդ մասին գրում է ադրբեջանական minval.az-ը։ Հանդես գալով Ադրբեջանի 2021թ․ պետբյուջեի կատարողականի վերաբերյալ օրինագծի քննարկմանը՝ նա, մասնավորապես, առաջարկել է ավելացնել ռազմական բյուջեն։
«Քանի դեռ Հայաստանում ռևանշիստական ուժեր կան, ռազմական և անվտանգային ծախսերը պետք է բարձր լինեն»,-ասել է Նասիրովը։
Այդ առաջարկն ադրբեջանցի պատգամավորն անում է՝ մի կողմից Ադրբեջանի այն հայտարարության ֆոնին, թե, իբր, պատրաստ է Հայաստանի հետ խաղաղության, մյուս կողմից՝ հայկական տարածքների՝ այդ թվում Երևանի նկատմամբ անթաքույց պահանջների ու սպառնալիքների ֆոնին։
Ակնհայտ է, որ ոչ մի պարագայում Ադրբեջանը պատրաստ չէ խաղաղության ու ոչ էլ երբևէ կպատրաստվի։ Ալիևի պատկերացմամբ խաղաղությունը դա Հայաստանին անընդհատ սպառնալն ու հայկական տարածքների զավթումն է։