Ամերիկյան լրատվամիջոցների հաղորդած տեղեկատվության համաձայն, Միացյալ Նահանգներն ու Եվրամիությունն ակտիվացրել են ջանքերը միջնորդելու Հայաստանի և Ադրբեջանի միջև բանակցություններին, որտեղ Մոսկվան հանդիպում է աճող միջազգային մեկուսացման՝ Ուկրաինայում շարունակվող զարգացումների ֆոնին:

ԱՄՆ պետքարտուղար Բլինկենն անդրադարձել է Հայաստանի և Ադրբեջանի արտգործնախարարների՝ Միրզոյանի և Բայրամովի երեկ կայացած հանդիպմանը Վաշինգտոնում: Միացյալ Նահանգները վճռականորեն աջակցում է ինչպես Հայաստանի, այնպես էլ Ադրբեջանի ինքնիշխանությանը և տարածքային ամբողջականությանը, ասել է նա.

«1991 թվականին անկախության վերականգնումը կենսականորեն կարևոր է երկու երկրների իրավունքների երաշխավորման համար»,- ասվում է հրապարակման մեջ։ Ամերիկյան մամուլը հիշեցնում է, որ շուրջ 30 և ավելի տարիներ տևած ղարաբաղյան հակամարտությունը հսկայական մարդկային, նյութական կորուստներ է առաջ քաշել: Բայց այն, ինչ հիմա տեսնում ենք, իրական և խիզախ քայլեր են երկու երկրների կողմից՝ անցյալը ետևում թողնելու և կայուն խաղաղություն հաստատելու ուղղությամբ աշխատելու համար:

Aljazeera.com-ը ևս անդրադարձել է ԱՄՆ-ում Հայաստանի և Ադրբեջանի արտգործնախարարների բանակցություններին։ «ԱՄՆ պետքարտուղար Էնթոնի Բլինքենը գովաբանել է հակառակորդ երկրներին, որոնք բազմիցս բախվել են Լեռնային Ղարաբաղի շուրջ, «խիզախ քայլեր» ձեռնարկելու համար, որոնք միտված են տևական խաղաղություն հաստատելուն»:

Reuters.com-ն էլ գրում է, որ Միացյալ Նահանգներում քայլեր են ձեռնարկվում Հայաստանի և Ադրբեջանի միջև տևական խաղաղության հասնելու համար, որն արտացոլվել է Վաշինգտոնում տեղի է ունեցած հանդիպման ընթացքում։

Rferl.org-ը ևս փաստում է, որ Բլինքենը բարձր է գնահատել Հայաստանի և Ադրբեջանի «համարձակ քայլերը»՝ նախաձեռնելով նախարարների հանդիպումը։ “Սրանք քայլեր են անցյալը անցյալում թողնելու և կայուն խաղաղության ուղղությամբ աշխատելու համար։ Միացյալ Նահանգները, որպես Հայաստանի և Ադրբեջանի բարեկամ, հավատարիմ է ամեն ինչ անելու՝ աջակցելու երկու երկրներին խաղաղության հասնելու ջանքերում»,- հավելել էր Բլինքենը, մեջբերում է պարբերականը։

MediaHub-ը հիշեցնում է, որ ՀՀ և Ադրբեջանի արտգործնախարարները համաձայնել են հանդիպել առաջիկա շաբաթներին ևս:

Շուշանիկ Միսկարյան