Հայաստանի վարչապետ Նիկոլ Փաշինյանը Մյունխենի միջազգային համաժողովի շրջանակներում մասնակցել է Հարավային Կովկասի անվտանգության թեմայով քննարկմանը, որին մասնակցում են նաև Ադրբեջանի նախագահ Իլհամ Ալիևը, Վրաստանի վարչապետ Իրակլի Ղարիբաշվիլին և ԵԱՀԿ գլխավոր քարտուղար Հելգա Շմիդտը։
Վարչապետը երախտագիտություն է հայտնել նման ձևաչափով պատմական հանդիպում կազմակերպելու համար: Նշել՝ Հայաստանը հավատարիմ է ժողովրդավարական բարեփոխումների օրակարգին և ամրապնդում է օրենքի գերակայությունը երկրում:
«Համընդհանուր կայունությանը վերաբերող խնդիրները մեծ մտահոգություններ են առաջացնում: Երկար ժամանակ է ողջ միջազգային ուշադրությունը հասկանալիորեն կենտրոնացած է Ուկրանիայի վրա, և դա ստեղծում է նոր ռիսկեր մեր տարածաշրջանի համար։ Շատ կարևոր է, որ մեր տարածաշրջանի վրա ևս միջազգային ուշադրություն լինի, որովհետև ես կարծում եմ, որ շատ ռիսկեր կան»-ընդծել է Փաշինյանը: