Ջրի սակագնի վերաբերյալ որոշումը վաղն ենք ընդունելու։ Այդ մասին այսօր՝ նոյեմբերի 28-ին, լրագրողների հետ զրույցում ասաց ՀԾԿՀ նախագահ Գարեգին Բաղրամյանը։
Նրա խոսքով՝ գործող 208,4 դրամը նվազեցվելու է մինչև 206 դրամ։
«Սուբսիդավորումն էլ է շարունակվելու։ Սպառողն իր վրա ոչինչ չի զգա, իր համար էլի 200 դրամն է գործելու։ Իսկ գազի գինն անփոփոխ է մնացել։ Չեմ կարծում՝ փոփոխության հարց կա»,- նշեց նա։
Հարցին, թե արդյո՞ք քաղաքական վիճակը կարող է ազդել գազի գնի վրա, Գարեգին Բաղրամյանը նկատեց, որ առաջիկա տասը տարիների համար գինը ֆիքսված է։
Մանրամասները՝ տեսանյութում։