Թույլ չենք տա ոչ բարեկամ երկրների ներկայությունն այս տարածաշրջանի ջրերում. Իրանի ՌԾՈՒ հրամանատար

Թույլ չենք տա ոչ բարեկամ երկրների ներկայությունն այս տարածաշրջանի ջրերում. Իրանի ՌԾՈՒ հրամանատար

Իրանի ռազմածովային ուժերի հրամանատար փոխծովակալ Շահրամ Իրանին թշնամական, ոչ տարածաշրջանային ռազմածովային ուժերին կոչ է արել զերծ մնալ տարածաշրջանում ներկայությունից՝պնդելով, որ ո՛չ տարածաշրջանը, ո՛չ նրանց ընդունող երկրներն այդ ներկայությունից ավելի անվտանգ չեն դառնա, հաղորդում է Mehr գործակալությունը:

«Ոչ տարածաշրջանային եւ ոչ բարեկամ երկրներին ուղղված մեր ուղերձն այն է, որ մեր տարածաշրջանում բավական ուժեր կան, եւ որեւէ հիմնավորում չկա այս տարածաշրջանի ջրերում նրանց ներկայության համար»,- շաբաթ հայտարարել է իրանցի փոխծովակալը:

Վերջինս հավելել է, որ ոչ մի խնդիր չի լինի, եթե ոչ տարածաշրջանային երկրները գտնվեն տարածաշրջանում՝ այցելության եւ գիտելիքների փոխանակման նպատակով:

«Սակայն եթե նրանք ցանկանում են մտնել անվտանգության ոլորտ, մենք պետք է ասենք, որ այսօր Իրանի Իսլամական Հանրապետությունը նման բան թույլ չի տա»,- ասել է նա: