Սերբիայի վարչապետ Միլոշ Վուչեւիչը բողոքի ցույցերի ֆոնին որոշել է հրաժարական տալ, գրել են ԶԼՄ-ները։

Սերբ ուսանողներն ու ընդդիմադիր ուժերը 2024 թվականի նոյեմբերից բողոքի ցույցեր են անցկացնում Նովի Սադում, Բելգրադում և այլ քաղաքներում։ Նրանք պահանջում են պատասխանատվության ենթարկել 2024 թվականի նոյեմբերի 1-ին Նովի Սադի երկաթուղային կայարանի մուտքի հովանոցի փլուզման հետևանքով 15 մարդու մահվան մեղավորներին։