Հարավ-Աֆրիկյան Հանրապետության պետական էներգետիկական «Էսկոմ» ընկերությունը հայտարարել է, որ պատրաստ է հոսանքազրկել երկրի մայրաքաղաք Պրետորիան այն պատճառով, որ քաղաքապետարանը մեծ պարտքեր է կուտակել, չփոխանցելով հոսանքի վճարումները, որոնք հավաքագրում է քաղաքացիներից եւ կազմակերպություններից։
Համաձայն «Էսկոմի» հայտարարության, ՀԱՀ մայրաքաղաքային Չվանե ագլոմերացիան կուտակել է մոտ 100 միլիոն դոլարի պարտք։ Վճարման վերջին վերջնաժամկետը եղել է օգոստոսի 17-ը։ Վճարվել է միայն 4 միլիոն դոլարը։ Ընկերությունից հայտնել են նաեւ, որ բազմիցս փորձել են բանակցություններ սկսել քաղաքային իշխանությունների հետ, սակայն ապարդյուն։