Չինաստանն ԱՄՆ մաքսատուրքերի պատճառով կասեցրել է TikTok-ի ամերիկյան ակտիվների վաճառքի գործարքը

Չինաստանի իշխանություններն ԱՄՆ մաքսատուրքերի պատճառով կասեցրել են TikTok-ի ամերիկյան ակտիվների վաճառքի գործարքը, գրել է Reuters-ը։

Գործակալության տվյալներով՝ քննարկումը վերաբերում էր հարթակի ակտիվները նոր ընկերությանը փոխանցելուն, որը հիմնված կլինի ԱՄՆ-ում և կպատկանի հիմնականում ամերիկացի ներդրողներին, մինչդեռ չինական «ByteDance» ընկերությունը կստանա 20%-ից պակաս բաժնետոմսերի փոքրամասնություն:

Պեկինը հասկացրել է, որ չի հաստատի գործարքն ԱՄՆ նախագահ Դոնալդ Թրամփի կողմից փոխադարձ մաքսատուրքերի ներմուծումից հետո: