Ադրբեջանի արտգործնախարար Ջեյհուն Բայրամովը Հայաստանին կոչ է արել ավելի շատ ջանքեր գործադրել երկու երկրների հարաբերությունները կարգավորելու համար։ Այս մասին հայտնում է Ինտերֆաքսը։
«Մենք կոչ ենք անում հայկական կողմին բարի կամք դրսևորել և ավելի շատ ջանքեր գործադրել բոլոր ուղղություններով հարաբերությունները կարգավորելու քննարկումներում», - ասել է Բայրամովը՝ Վիլնյուսում իր լիտվացի գործընկեր Գաբրիելիուս Լանդսբերգիսի հետ բանակցություններից հետո։
Բայրամովի խոսքով՝ երկկողմ հարաբերությունները, պետական սահմանների սահմանազատումը և տրանսպորտային ու հաղորդակցական կապերի վերականգնումը դեռ չեն արդարացրել Ադրբեջանի սպասելիքները։
Ադրբեջանցի նախարարն ասել է, որ բանակցությունների ընթացքում ինքը լիտվացի գործընկերոջը տեղեկացրել է Հարավային Կովկասում հետհակամարտային իրավիճակի մասին, խոսել է խաղաղության օրակարգը խթանելու Ադրբեջանի ջանքերի մասին։