Հայաստանի իշխող «Քաղաքացիական պայմանագիր» կուսակցությունը բանակցություններ է վարում Եվրոպական Միության ամենամեծ վերազգային կուսակցության՝ Եվրոպական ժողովրդական կուսակցությանը (ԵԺԿ) միանալու համար, գրել է Euractiv-ը։

Դեռևս պաշտոնական որոշում չի կայացվել, և ժամկետները դեռևս հաստատված չեն, սակայն Նիկոլ Փաշինյանը հետաքրքրություն է հայտնել, և համաեվրոպական կենտրոնամետ կուսակցությունը կարող է հաստատել «Քաղաքացիական պայմանագրի» անդամակցությունն այս տարվա վերջին։

ԵԺԿ-ին կարող են միանալ նաև Հունգարիայի «Տիզան», Դանիայի «Լիբերալ դաշինքը», Չեխիայի «STAN»-ը և Չեռնոգորիայի իշխող «Եվրոպա հիմա» (PES) կուսակցությունը։

ԵԺԿ-ի կազմում է նաև նախկին նախագահ Սերժ Սարգսյանի գլխավորած Հայաստանի Հանրապետական ​​կուսակցությունը, որը երկիրը կառավարել է մինչև Փաշինյանի իշխանության գալը։