Չինական «Bright Gold» տանկերը հաջողությամբ անցել է Հորմուզի նեղուցով՝ հետևելով Թեհրանի հետ Իրանի ափի երկայնքով համաձայնեցված անվտանգ միջանցքին, գրել է Bloomberg-ը։

Գործակալության  տվյալներով՝ նավը մանեւրել է Քեշմ և Լարակ կղզիների միջև՝ հեռարձակելով իր չինական պատկանելությունը ցույց տվող ազդանշան:

Երկու հնդկական գազակիրներ՝ «Jag Vasant»-ը և «Pine Gas»-ը, նույնպես օգտվել են այս երթուղուց՝ մատակարարելով ավելի քան 92,600 տոննա հեղուկացված բնական գազ: Նավերի անցումը հնարավոր է դարձել այն բանից հետո, երբ Դելին Իրանի հետ ուղիղ համաձայնություններ է կնքել անվտանգության երաշխիքների վերաբերյալ: