Մոսկվայի «Radisson Blu Olympic» հյուրանոցում խոշոր հրդեհ է եղել։

Երբ ծուխը մտել է երրորդ հարկի աստիճաններից մոտ 400 մարդ տարհանվել է, հայտնել է «ՌԵՆ ՏՎ»-ի աղբյուրը։

Հրդեհը մարվել է. դեպքի վայրում աշխատել են Մոսկվայի հրշեջ-փրկարարական ծառայության 39 աշխատակից և 10 միավոր տեխնիկա, հայտնել է Ռուսաստանի արտակարգ իրավիճակների նախարարությունը։

Վիրավորների մասին հաղորդագրություններ չկան։

Ականատեսի խոսքով՝ պատուհանից երևացել է խիտ ծուխ։ Հրդեհի պատճառը դեռ անհայտ է։ Ականատեսի խոսքով՝ երրորդ հարկում սրճարան կա, և հրդեհը կարող է այնտեղից լինել։ Մարդիկ շենքից դուրս են եկել հանգիստ և առանց խուճապի։