Միլիարդատեր Իլոն Մասկը խոստացել է արհեստական ​​բանականությամբ «Ոդիսականի» իր սեփական տարբերակը ստեղծել։

Տեխնոլոգիական մագնատը երեքշաբթի երեկոյան X-ում կիսվել է իր նոր նախագծի մասին՝ վերահրապարակելով օգտատիրոջ կողմից Grok-ի՝ Հոմերոսի էպիկական պոեմից ոգեշնչված ու ստեղծված «Ոդիսականի» տեսարանի տեսանյութը։

«Մինչև այս տարվա ավարտը «Grok Imagine»-ը կնկարահանի «Ոդիսականի» լիամետրաժ ֆիլմ, որը պատմականորեն ճշգրիտ կլինի և հավատարիմ կլինի Հոմերոսի արվեստին», - գրել է Մասկը։