Իսրայելը Սպիտակ տնից պարզաբանումներ է խնդրեց նախագահ ԱՄՆ նախագահ Դոնալդ Թրամփի այն հայտարարության վերաբերյալ, որ հրեական պետությանն «արգելված» է ավիահարվածներ հասցնել Լիբանանում, Axios-ին պատմել են ամերիկյան և մեկ այլ ծանոթ աղբյուր։

Իսրայելի վարչապետ Բենիամին Նեթանյահուն և նրա խորհրդականները ցնցված են եղել Թրամփի գրառումից, որը հակասել է Իսրայելի և Լիբանանի միջև հրադադարի մասին համաձայնագրի տեքստին։

Աղբյուրները նշել են, որ Նեթանյահուն անձամբ ապշած և անհանգստացած է եղել, երբ իմացել է գրառման մասին։

Թրամփը հինգշաբթի հայտարարել էր, որ Իսրայելը և Լիբանանը համաձայնել են 10-օրյա հրադադարի։

ԱՄՆ-ն մի քանի օր շարունակ ճնշում է գործադրել նման հրադադարի համար՝ միաժամանակ աշխատելով Իրանի հետ խաղաղության համաձայնագրի վրա։

Ըստ համաձայնագրի՝ Իսրայելն իրեն իրավունք է վերապահում ռազմական գործողություններ ձեռնարկել, նույնիսկ հրադադարի ընթացքում, «ինքնապաշտպանության նպատակով, ցանկացած պահի, պլանավորված, անխուսափելի կամ շարունակվող հարձակումների դեմ»։

Իսրայելը պարտավորվել է չձեռնարկել հարձակողական ռազմական գործողություններ լիբանանյան թիրախների դեմ, այդ թվում՝ քաղաքացիական, ռազմական և այլ։

Հրադադարն աներևակայելիորեն քաղաքականապես զգայուն է Նեթանյահուի համար, և նրա կառավարությունը ընդգծել է, որ անհրաժեշտության դեպքում չի սահմանափակում «Հըզբոլլահին» հարվածել։

«Իսրայելը այլևս չի ռմբակոծի Լիբանանը։ ԱՄՆ-ն նրանց արգելում է դա անել։ Բավակա՛ն է»,- Axios-ին տված հարցազրույցում Թրամփը կրկին նշել է, որ ցանկանում է, որ Իսրայելի կողմից Լիբանանի վրա հարվածները դադարեցվեն։ «Իսրայելը պետք է դադարեցնի։ Նրանք չեն կարող շարունակել շենքեր պայթեցնել։ Ես դա թույլ չեմ տա», - ասել է նա։

Նեթանյահուն և նրա թիմը լրատվամիջոցներից իմացել են Թրամփի Լիբանանի վերաբերյալ մեկնաբանությունների մասին և անակնկալի են եկել։ Օգնականները, այդ թվում՝ Վաշինգտոնում Իսրայելի դեսպան Յեչիել Լեյթերը, փորձել են հասկանալ, թե արդյոք ԱՄՆ-ն փոխել է իր ուղղությունը։

Իսրայելցի պաշտոնյաները Սպիտակ տնից պարզաբանում են խնդրել և ընդգծել, որ Թրամփի մեկնաբանությունը հակասում է համաձայնագրին։

Այն բանից հետո, երբ Axios-ը Սպիտակ տնից մեկնաբանություն է խնդրել, ԱՄՆ պաշտոնյան պարզաբանեց Թրամփի խոսքերը։ «Լիբանանի և Իսրայելի միջև նախագահի կողմից կնքված հրադադարի համաձայնագրում հստակ նշված է, որ Իսրայելը չի ​​իրականացնի որևէ հարձակողական ռազմական գործողություն լիբանանյան թիրախների դեմ, բայց պահպանում է ինքնապաշտպանության իր իրավունքը պլանավորված, անխուսափելի կամ շարունակվող հարձակումներից», - ասել է պաշտոնյան։

Ուրբաթ երեկոյան, Թրամփի՝ Axios-ի հետ հարցազրույցից կարճ ժամանակ առաջ, իսրայելական անօդաչու թռչող սարքը հարված է հասցրել Լիբանանի հարավում։ Իսրայելական աղբյուրը ավելի ուշ պնդել է, որ «Հըզբոլլահը» խախտել է հրադադարը և հարձակվել իսրայելական ուժերի վրա անվտանգության գոտում։ «Մեր ուժերը գործել են ինքնապաշտպանության նպատակով՝ սպառնալիքը վերացնելու համար՝ համաձայն Միացյալ Նահանգների և Լիբանանի հետ կնքված հրադադարի համաձայնագրի», - բացատրել է իսրայելական աղբյուրը։