Русский
Ֆրանսիայի նախագահ Էմանուել Մակրոնն ու Գերմանիայի կանցլեր Ֆրիդրիխ Մերցը կտրուկ քննադատել են Եվրոպական խորհրդին Ռուսաստանի նախագահ Վլադիմիր Պուտինի հետ շփումներ հաստատելու փորձերի համար, հաղորդել է Politico-ն՝ հղում անելով աղբյուրներին։
Հրապարակման աղբյուրների համաձայն՝ Բրյուսելի գագաթնաժողովում Մակրոնն ու Մերցը մերժել են Եվրոպական խորհրդի նախագահ Անտոնիու Կոշտայի՝ Կրեմլի հետ շփումներ հաստատելու ջանքերը։ Դանիան, Նիդեռլանդներն ու մի շարք այլ երկրներ համաձայնել են նրանց հետ։
Աղբյուրների համաձայն՝ Կոշտայի աշխատակազմի ղեկավար Պեդրո Լուրտին վերջին շաբաթների ընթացքում երկու կարճ շփում է ունեցել Մոսկվայի հետ՝ ԵՄ շահերը պաշտպանելու նպատակով հաղորդակցության ուղի ստեղծելու համար։
Մակրոնի և Մերցի դիրքորոշումն այն է, որ Վլադիմիր Պուտինի հետ քննարկումների ժամանակը դեռ չի եկել, և որ ԵՄ Եռյակը՝ Ֆրանսիան, Գերմանիան և Մեծ Բրիտանիան, պետք է նախաձեռնությունը ստանձնեն ապագայում։ Որոշ առաջնորդներ աջակցել են Կոշտային։ Բելգիայի վարչապետ Բարտ դե Վեւերը նշել է, որ մինչև Ռուսաստանը չցուցաբերի երկխոսության պատրաստակամություն, ԵՄ-ն պետք է ներկայացնի միայն Անտոնիու Կոշտան։