Русский
Ուկրաինայի նախագահ Վոլոդիմիր Զելենսկին հանձնարարել է կապ հաստատել ԱՄՆ նախագահ Դոնալդ Թրամփի վարչակազմի հետ և քննարկել մայիսի 9-ին ռուսական կողմից առաջարկված կարճաժամկետ հրադադարի մանրամասները։
«Ես մեր ներկայացուցիչներին հանձնարարել եմ կապ հաստատել Միացյալ Նահանգների նախագահի թիմի հետ և պարզել կարճաժամկետ լռության վերաբերյալ ռուսական առաջարկի մանրամասները։ Ուկրաինան ձգտում է խաղաղության և ապահովում է անհրաժեշտ դիվանագիտական աշխատանք այս պատերազմի իրական ավարտի համար», – գրել է Ուկրաինայի նախագահը։
Զելենսկին նշել է, որ Կիեւի առաջարկն է երկարաժամկետ հրադադարի հաստատումը, որը «կերաշխավորի մարդկանց հուսալի անվտանգություն և երկարատև խաղաղություն»։