ԱՄՆ-ն քննարկում է Կուբայի նախագահ Միգել Դիաս-Կանելի առևանգման հարցը, սակայն վերջնական որոշումը կկայացնի նախագահ Դոնալդ Թրամփը, ասել է Պենտագոնի ղեկավար Փիթ Հեգսեթը։

«Բոլոր տարբերակները սեղանին են», - լրագրողներին ասել է ԱՄՆ պատերազմի նախարարը։

Մայիսին Politico-ն, աղբյուրներին հղում անելով, հաղորդել էր, որ ԱՄՆ Հարավային հրամանատարությունը պատրաստվում է Կուբայում հնարավոր ռազմական գործողությունների: Հրատարակության համաձայն՝ Սպիտակ տունը հիասթափված է, որ ամերիկյան ճնշումը չի հանգեցրել Կուբայի կողմից զիջումների: «The New York Times»-ը հաղորդել էր Կուբայի նախկին առաջնորդ Ռաուլ Կաստրոյին գերի վերցնելու ԱՄՆ հնարավոր ծրագրերի մասին:

Հունվարին ԱՄՆ նախագահ Դոնալդ Թրամփը ստորագրել էր գործադիր հրամանագիր, որով մաքսատուրքեր են սահմանվում Կուբա մատակարարող երկրներից ապրանքների վրա: Սա կղզում էներգետիկ ճգնաժամի պատճառ էր դարձել: Մայիսի 1-ին ԱՄՆ նախագահը նոր պատժամիջոցներ էր կիրառել Կուբայի ղեկավարության դեմ: