Русский
Ռուսաստանի Սարատովի մարզի վրա գիշերն անօդաչու թռչող սարքի հարվածի հետևանքով երկու մարդ է մահացել, գրել են ռուսական աղբյուրները։
Հարվածի հետևանքով վնասվել են բնակելի շենքի մի քանի բնակարաններ։
Վիրավոր բնակիչները կստանան ֆինանսական օգնություն, ստեղծվել է ժամանակավոր կացարան։
Հարվածի հետևանքով վնասվել են նաև մանկապարտեզի և կլինիկայի պատուհաններ։ Միջադեպի պահին այս շենքերում երեխաներ կամ հիվանդներ չեն եղել։
ՌԴ պաշտպանության նախարարությունը հայտարարել է, որ գիշերը Ռուսաստանի տարածքում ոչնչացվել է ուկրաինական 41 անօդաչու թռչող սարք։