Հաղորդավարուհի և դերասանուհի Նազենի Հովհանիսյանը սոցիալական էջերում հանդես է եկել հոգևոր և մարդասիրական կոչով՝ դիմելով բոլոր կարեկից մարդկանց։ Նա խնդրում է միահամուռ աղոթք բարձրացնել Դավիթի համար, ով այս պահին գտնվում է կյանքի դժվարին փուլում։

Իր գրառման մեջ Նազենին առանձնացրել է երեք կարևոր քայլ հավատացյալների համար.

Աղոթք Սուրբ Պատարագին. Շարունակել հիշատակել Դավիթին հոգևոր արարողությունների ժամանակ։

Աղոթաթղթեր. Բժշկության համար գրվող աղոթաթղթերի վրա հարազատների անունների կողքին նշել նաև Դավիթի անունը։

Հայց բժշկության համար. Խնդրել Աստծուն, որ իմաստություն պարգևի բժիշկներին և շուտափույթ ապաքինում՝ Դավիթին։

«Մեր Տեր Հիսուս Քրիստոսի Սուրբ Հարության լույսը, հույսը, սերը, շնորհը և ողորմությունը թող պարուրի բոլորիս սրտերը, հալեցնի քինախնդրության սառույցը և փակի չարախոս բերանները»,– նշել է Նազենի Հովհանիսյանը։