Русский
Իրանը և ԱՄՆ-ն քննարկում են համաձայնագրի նախագծում այնպիսի կետ ներառելու հարցը, որը կամրագրի համաձայնագիրը ՄԱԿ-ի Անվտանգության խորհրդի բանաձևով, հունիսի 1-ին հայտարարել է Իրանի արտաքին գործերի նախարարության խոսնակ Էսմայիլ Բաղային։
«Մենք դեռևս քննարկում ենք ընդհանուր դրույթները։ <...> Եթե համաձայնագիր կնքվի, այն պետք է լինի ՄԱԿ-ի Անվտանգության խորհրդի բանաձևի տեսքով», - ասել է Բաղային։
Դիվանագետի խոսքով՝ կողմերը շարունակում են հաղորդագրություններ փոխանակել, սակայն փաստաթղթի վերաբերյալ վերջնական որոշում դեռևս չի կայացվել։ Ներկայումս քննարկվում է ապագա համաձայնագրի 14 հիմնական դրույթներ։
Նախարարության խոսնակը պարզաբանել է, որ Թեհրանը ՄԱԿ-ի Անվտանգության խորհրդի հնարավոր բանաձևը չի դիտարկում որպես համաձայնագրերի իրականացման բացարձակ երաշխիք։ Դիվանագետը ընդգծել է, որ իրանական կողմն արդեն իսկ ունի բացասական փորձ, երբ միջազգային իրավական մեխանիզմները չեն կարողացել ապահովել ձեռք բերված համաձայնագրերի պահպանումը։