Վարդան Հարությունյանը նվաճեց Համաշխարհային բռնցքամարտի ասոցիացիայի (WBA) ժամանակավոր աշխարհի չեմպիոնի տիտղոսը 101.7 կգ քաշային կարգում: Չելյաբինսկում կայացած 12 ռաունդանոց մենամարտում նա տեխնիկական նոկաուտով հաղթեց ռուս Գեորգի Յունովիդովին վեցերորդ ռաունդում։

Յունովիդովը չորրորդ ռաունդում նոկդաունի ենթարկվեց: Հինգերորդ ռաունդում նա կարողացավ շրջել մենամարտի ընթացքը և հավասարեցնել հաշիվը: Սակայն վեցերորդ ռաունդում նա կրկին նոկդաունի ենթարկվեց և շարունակեց մենամարտը, բայց մրցավարը շուտով ստիպված եղավ դադարեցնել մենամարտը Հարությունյանի մի շարք ճշգրիտ հարվածներից հետո։

26-ամյա Հարությունյանը շարունակում է անպարտելի մնալ պրոֆեսիոնալ ռինգում՝ 12 հաղթանակով (ութը՝ նոկաուտով): Մենամարտից առաջ նա WBA վարկանիշային աղյուսակում զբաղեցնում էր ութերորդ տեղը։