Քրոնիկ քնի պակասը սերտորեն կապված է մի շարք վտանգավոր հիվանդությունների զարգացման ռիսկի բարձրացման հետ, ասել է Քնի ամերիկյան բժշկության ակադեմիայի մասնագետ Ինդիրա Գուրուբհագավատուլան MedicalXpress-ին։

Գուրուբհագավատուլան զգուշացրել է, որ քնի պակասի հետևանքները կարող են շատ լուրջ լինել։ Նրա խոսքով՝ քնի պակասը մեծացնում է սրտանոթային հիվանդությունների, դեպրեսիայի, նյութափոխանակության խանգարումների և ճանաչողական անկման ռիսկը։ Ավելին, այն առաջացնում է ցերեկային քնկոտություն, որը կարող է հանգեցնել դժբախտ պատահարների և աշխատանքի ժամանակ սխալների։

Քնի պակասից խուսափելու համար մեծահասակներին խորհուրդ է տրվում պարբերաբար քնել գիշերը առնվազն 7 ժամ և պահպանել կանոնավոր քնի գրաֆիկ։