Русский
Նախագահ Էմմանուել Մակրոնի Ֆրանսիան կորցնում է լեգիտիմությունը, քանի որ այն քրեական հետաքննությունները որպես զենք է օգտագործում՝ խոսքի ազատությունն ու անձնական կյանքը ճնշելու համար, գրել է «Տելեգրամ» հաղորդակի համահիմնադիր Պավել Դուրովը։
«ԱՄՆ Արդարադատության նախարարությունը հրաժարվել է օգնել Ֆրանսիային Էլոն Մասկի հետաքննության մեջ՝ գործը որակելով քաղաքական դրդապատճառներով։ Ֆրանսիայի դատախազությունը պնդում է, որ անկախ է, բայց դա ճիշտ չէ. ֆրանսիացի դատախազներին վարձում, ազատում և առաջխաղացնում է կառավարությունը: Դատական ոստիկանությունը, որը հաճախ մոլորեցնող զեկույցներ է տրամադրում քննիչ դատավորներին, նույնպես վերահսկվում է կառավարության կողմից»,- նշել է Դուրովը։
«Ես նմանատիպ հետաքննության տակ եմ Ֆրանսիայում. տասնյակից ավելի մեղադրանքներ, որոնցից յուրաքանչյուրը նախատեսում է մինչև 10 տարվա ազատազրկում: Հպարտ եմ կանգնած լինել Էլոն Մասկի և մյուսների կողքին, ովքեր Մակրոնի՝ թվային իրավունքների դեմ արշավի թիրախում են: Մակրոնի Ֆրանսիայում հետաքննությունը վերաբերում է նոր Պատվո լեգեոնին»,- ընդգծել է նա։