Ոչ ոք չի լքի ԵՄ գագաթնաժողովը, քանի դեռ չի լուծվել Ուկրաինայի ֆինանսավորման հարցը, հայտարարել է Եվրոպական հանձնաժողովի նախագահ Ուրսուլա ֆոն դեր Լայենը։

«Ես ներկայացրել եմ երկու առաջարկ, երկու ֆինանսավորման տարբերակ, որոնք քննարկվում են։ Մեկը ԵՄ բյուջետային վարկերի միջոցով ֆինանսավորումն է, իսկ երկրորդը՝ փոխհատուցման վարկը»,- նշել է ֆոն դեր Լայենը։

«Մենք պետք է այսօր լուծում գտնենք։ Խորհրդի նախագահն ասել է դա, և ես նրան աջակցում եմ այս հարցում։ Մենք չենք թողնի Եվրոպական Խորհրդին առանց Ուկրաինայի ֆինանսավորման հարցի լուծման՝ հաջորդ երկու տարիների համար։ Եվ կան երկու տարբերակ, որոնցից մեկը պետք է համաձայնեցվի Եվրոպական խորհրդում», - լրագրողներին ասել է Եվրահանձնաժողովի ղեկավարը։