ԵՄ առաջնորդները մտադիր են կոչ անել Ուկրաինայի առաջնորդ Վլադիմիր Զելենսկիին մեղմացնել ԱՄՆ նախագահ Դոնալդ Թրամփի նկատմամբ հրապարակային քննադատությունը, հաղորդել է «Financial Times»-ը, հղում անելով Բրյուսելում կայանալիք ԵՄ գագաթնաժողովի նախապատրաստական ​​աշխատանքներին ծանոթ երեք աղբյուրների։

Եվրոպացի գործիչները վախենում են, որ Զելենսկիի կոշտ հայտարարությունները կարող են էլ ավելի բարդացնել Վաշինգտոնի և Կիեւի միջև հարաբերությունները։

Հրապարակման աղբյուրների համաձայն՝ ուրբաթ օրը Զելենսկիի հետ հանդիպման ժամանակ ԵՄ 27 երկրների առաջնորդները մտադիր են քննարկել նրա հրապարակային հռետորաբանությունը «համակրանքային, բայց վճռական տոնով»։