Քիչ առաջ իր տնից ձերբակալվել է գյումրեցի մտավորական, ազատամարտիկ Արա Նախշքարյանը, հայտնել է իրավապաշտպան Աբրասիմ Աթոյանը։

«Հենց նոր իր տանից ձերբակալվել է Արա Նախշքարյանը»,- գրել է Աթոյանը։

Նախշքարյանը Համազգային Հայ Կրթական և Մշակութային միության Գյումրու գրասենյակի տնօրեն է: Նա «Հայաստան» դաշինքով պատգամավորի թեկնածու է եղել

Հակակոռուպցիոն կոմիտեն հայտնել է, որ դաշնակցական գործիչը ձերբակալվել է նախընտրական կաշառք տալու և ստանալու վերաբերյալ քրեական գործի շրջանակներում։։