Բելառուսը և Միացյալ Նահանգները զգալի առաջընթաց են գրանցել Մինսկում կայացած բանակցությունների վերջին փուլի ընթացքում։ Այս մասին լրագրողներին հայտնել է Բելառուսի հարցերով ԱՄՆ հատուկ բանագնաց Ջոն Քոլը՝ հաղորդում է «ԲԵԼՏԱ»-ի թղթակիցը։

«Մեծ հաճույք է կրկին այս երկրում գտնվելը։ Մենք երկարատև քննարկումներ ունեցանք։ Այս բանակցությունները կշարունակվեն։ Իմ կարծիքով՝ մենք զգալի առաջընթաց ենք գրանցել և կշարունակենք մեր համատեղ աշխատանքը», - ասել է ԱՄՆ հատուկ բանագնացը։

Նրա խոսքով՝ կողմերը քննարկել են նաև միջազգային խնդիրներ, երկկողմ օրակարգի հարցեր և փոխադարձ հետաքրքրություն ներկայացնող այլ թեմաներ։