Русский
Արաբական Միացյալ Էմիրությունների «Շեյխ Զայեդ» հիմնադրամը հայտարարել է «Մարդկային եղբայրության համար Զայեդ» մրցանակի 2026 դափնեկիրների անունները։
Այս մրցանակի դափնեկիրների թվում են նաև Նիկոլ Փաշինյանն ու նրա ադրբեջանցի գործընկեր Իլհամ Ալիեւը։
Մրցանակը վարչապետ կհանձնվի փետրվարին, Աբու-Դաբիում։
Այս մասին տեղեկություն է հրապարակվել հիմնադրամի պաշտոնական կայքում։
Մրցանակը շնորհվել է «Ադրբեջանի Հանրապետության և Հայաստանի Հանրապետության միջև խաղաղության և միջպետական հարաբերությունների հաստատման մասին համաձայնագրի» նախաստորագրման համար, որը «վերջ է դրել Կովկասում երկարատև հակամարտությանն ու հումանիտար աղետին»։
«Այս տարի Զայեդի մարդկային եղբայրության մրցանակի կոմիտեն ընտրել է Հայաստանի և Ադրբեջանի միջև պատմական խաղաղության պայմանագիրը: Այս պայմանագիրը մարմնավորում է մրցանակի առաքելությունն ու նպատակները՝ խթանել և զարգացնել երկխոսության և համակեցության մշակույթը: Այն համարվում է համաշխարհային խաղաղության առաջխաղացման կարևորագույն հանգրվան և դիվանագիտական խոշոր նվաճում»,- ասել է «Մարդկային եղբայրության համար Զայեդ» մրցանակի ժյուրիի անդամ և գլխավոր քարտուղար Մոհամեդ Աբդուսալամը։