Եթե Հայաստանը կորցնի ռուսական շուկան, կկորցնի պանրի արտահանումից ստացված եկամտի ավելի քան 80 տոկոսը, գրել է «ՌԻԱ Նովոստին»։

Ավելի վաղ «Ռոսսելխոզնադզորը» հայտարարել էր, որ ժամանակավորապես կսահմանափակի Հայաստանից Ռուսաստան կաթնամթերքի արտահանումը։

2025 թվականի վերջին Հայաստանի եկամուտը համաշխարհային շուկաներ պանրի արտահանումից կազմել է 16.4 միլիոն դոլար։ Դրանից 13.5 միլիոն դոլարը ստացվել է Ռուսաստան արտահանումից։ Այսպիսով, ռուսական շուկան կազմել է Հայաստանի պանրի արտահանումից ստացված եկամտի 83%-ը։

Ռուսաստանը ոչ միայն Հայաստանի պանրի ամենամեծ գնորդն է, այլև միակ երկիրը, որը ամեն ամիս մշտապես ներմուծել է միլիոնավոր դոլարների արժողությամբ հայկական պանիր։ 2025 թվականին հայկական պանրի այլ խոշոր գնորդներ են եղել Միացյալ Նահանգները (1.8 միլիոն դոլար) և Վրաստանը (670,900 դոլար)։