Արգենտինայի նախագահ Խավիեր Միլեյը պահանջել է, որ Միացյալ Թագավորությունը 14 օրվա ընթացքում կասեցնի Ֆոլքլենդյան (Մալվինյան) կղզիների ջրերում իրականացվող «Sea Lion» (Ծովառյուծ) նավթագազային նախագիծը։ Հակառակ դեպքում՝ Բուենոս Այրեսը մտադիր է դիմել Համբուրգում Ծովային իրավունքի միջազգային տրիբունալ (ITLOS)՝ պահանջելով կիրառել միջանկյալ միջոցներ։

Հյուսիսային Ֆոլքլենդյան ավազանում «Sea Lion» հանքավայրի շահագործման նախագիծն իրականացվում է բրիտանական լիցենզիաների հիման վրա։ Արգենտինան չի ճանաչում դրանց օրինականությունն ու ծովային բնական պաշարների շահագործումը համարում է անօրինական։

Ֆոլքլենդյան կղզիները 1833 թվականից ի վեր գտնվում են բրիտանական վերահսկողության ներքո։ Արգենտինան հավակնում է կղզեխմբին՝ հիմնվելով Իսպանիայից իրավահաջորդության սկզբունքի վրա։ 1982 թվականին կղզիների շուրջ երկու երկրների միջև զինված բախում է եղել, որն ավարտվել է Միացյալ Թագավորության հաղթանակով։