Սիրիայի ապագան պետք է լինի կենտրոնացված, միասնական և ներառական՝ մերժելով պետական ​​վերահսկողությունից դուրս  զինված խմբավորումները, ասել է ՄԱԿ-ում Սիրիայի դեսպան Իբրահիմ Ալաբին։

«Դա կլինի միայն միասնական և ուժեղ պետություն… որը կտարածի իր օրինական իշխանությունը Սիրիայի ողջ աշխարհագրության վրա։ Նոր Սիրիան հաղթող կամ պարտվող չունի, հաղթանակ է, որը միավորում է սիրիացիներին՝ արաբներին և քրդերին, հայերին, թուրքմեններին, չերքեզներին՝ մուսուլմաններին, քրիստոնյաներին և հրեաներին»,- նշել է դեսպանը։

«Մենք նոր Սիրիան կկառուցենք նրա բոլոր որդիների և դուստրերի ձեռքերով։ Լիակատար հավասարության հիման վրա… մեկ հայրենիքում, որը պաշտպանում է արժանապատվությունը, անվտանգությունը և կայունությունը»,- ընդգծել է Իբրահիմ Ալաբին։