Русский
Բաքվի վերաքննիչ դատարանում երեքշաբթի կայացել է ապօրինի պահվող հայ գերիների բողոքների վերաբերյալ հերթական «նիստը»։ Այս մասին հայտնում են ադրբեջանական լրատվամիջոցները։
Նշվում է, որ օկուպացված Արցախի նախկին նախագահ Արկադի Ղուկասյանի փաստաբանը դատարանին կոչ է արել չեղարկել իր պաշտպանյալի նկատմամբ կայացված «դատավճիռը» և արդարացնել նրան։ Իր ելույթում փաստաբանը ներկայացրել է իր հիմնավորումները։
«Նիստի» ընթացքում ելույթ է ունեցել օկուպացված Արցախի նախկին արտգործնախարար Դավիթ Բաբայանը՝ կրկին հայտարարելով, որ իրեն մեղավոր չի ճանաչում։
Դատարանի հաջորդ «նիստը» տեղի կունենա հուլիսի 10-ին։