Հունգարիայի նախկին արտգործնախարար Պետեր Սիյարտոյին սպառնում է մինչև երեք տարվա ազատազրկում կաշառք ստանալու համար, հայտնել է Index պորտալը։

Ենթադրյալ փողերի լվացման գործը, որը վարել է դատախազությունը, փոխանցվել է Բուդապեշտի ոստիկանության գլխավոր շտաբ։ «Դիմումատուի կողմից տրամադրված տեղեկատվությունը կարող է վկայել Պետեր Սիյարտոյի կաշառակերության հետ կապված հանցագործության կասկածի մասին, որը խախտում է Քրեական օրենսգրքի 291(1) հոդվածը», - հայտարարել է դատախազությունը։

Նախկին նախարարը այլևս խորհրդարանի անդամ չէ, անձեռնմխելիություն չունի։ Հետևաբար, եթե մեղավոր ճանաչվի, նրան սպառնում է մինչև երեք տարվա ազատազրկում։

Ավելի վաղ նախկին վարչապետ Վիկտոր Օրբանի գլխավորած հունգարական ընդդիմադիր «Ֆիդես» կուսակցությունը հայտարարել էր, որ դատախազության քննիչները անսպասելիորեն ժամանել են իրենց գրասենյակ՝ կապի սարքավորումներ և տվյալների բազաներ առգրավելու համար։ Նրանք հավելել են, որ չեն ենթարկվի քաղաքական կամ իրավական սպառնալիքներին։