Իրանի արտաքին գործերի նախարար Աբբաս Արաղչին հայտարարել է, որ Թեհրանը պատրաստ է երկխոսություն սկսել Պարսից ծոցի երկրների հետ՝ տարածաշրջանում անվտանգության ապահովման նպատակով։

Ինչպես հաղորդում է Press TV-ն, Արաղչին վերահաստատել է Իրանի պատրաստակամությունը համագործակցելու Պարսից ծոցի ափամերձ պետությունների հետ՝ ստեղծելու հավաքական անվտանգության մեխանիզմ, որը կլինի ինքնուրույն, կհիմնվի փոխադարձ համաձայնության վրա և զերծ կլինի արտաքին ռազմական միջամտությունից։