Կանադայում Հայաստանի Հանրապետության դեսպանությունը խոր ցավով տեղեկացավ Տորոնտոյի Սուրբ Գրիգոր Լուսավորիչ Հայ կաթողիկե եկեղեցու հիմնադիր և հովվապետ Գերհարգելի Հայր Եղյա Ծայրագույն Վարդապետ Քիրեջյանի մահվան մասին։ Վերջինիս անմնացորդ հովվական ծառայությունը, հոգևոր առաջնորդությունն ու ազգանվեր առաքելությունը մնայուն հետք են թողել ինչպես Տորոնտոյի Սուրբ Գրիգոր Լուսավորիչ Հայ կաթողիկե եկեղեցու հետևորդների, այնպես էլ ողջ համայնքի վրա։