Русский
Հորմուզի նեղուցը չի բացվի, եթե Միացյալ Նահանգները չընդունի Թեհրանի պայմանները, հայտնել է Իրանի Իսլամական հեղափոխության պահապանների կորպուսը։
«Հորմուզի նեղուցը մեր վերահսկողության տակ է։ Պարսից ծոցում թշնամու ոչ մի ռազմանավ չկա։ Թշնամու բոլոր ռազմանավերը նեղուցից առնվազն 400 կմ հեռավորության վրա են։ Մոտ մեկ ամիս առաջ մենք բանակցություններ սկսեցինք Օմանի հետ և համաձայնության եկանք նեղուցի ջրերի յուրաքանչյուր երկրի բաժնի և նրանց ստացվող եկամուտների վերաբերյալ։ Եթե Ամերիկան վերացնի իր խոչընդոտները և վերադառնա փոխըմբռնման հուշագրին, մենք կկարողանանք վերսկսել նավարկությունը նեղուցով համաձայնեցված պայմանների շրջանակներում»,- հայտարարել է կորպուսը։
«Մեր պայմանները պետք է ընդունվեն։ Եթե Ամերիկան չընդունի մեր պայմանները, Հորմուզի նեղուցը հաստատ չի բացվի», - նշված է հայտարարության մեջ։