Մոսկվայում անհայտ անձը կրակ է բացել Արբատ փողոցում գտնվող հեղինակավոր ռեստորանի սեփականատիրոջը պատկանող Range Rover մեքենայի վրա։ Դեպքի մասին հաղորդում է Mash Telegram ալիքը։

Ըստ ալիքի՝ միջադեպը տեղի է ունեցել Կոմպոզիտորսկայա փողոցում օգոստոսի 12-ին, ժամը 22:00-ի սահմաններում։

Կրակոցից վնասվել է մեքենայի թափքը՝ վառելիքի բաքի մոտ, և դիմապակին, ինչպես նաև անվադողը պայթել է։

Մեքենայի սեփականատերը՝ 46-ամյա Շաիգ Սուլեյմանովը, չի տեսել կրակողին և դիմել է իրավապահ մարմիններին։