Ցուրտ եղանակը հանգեցրել է ԱՄՆ-ում առնվազն 7 մահվան, ինչպես նաև ենթակառուցվածքների լայնածավալ խափանումների, գրել է Euronews-ը։

Մոտ մեկ միլիոն բնակիչ, հիմնականում հարավում, մնացել է առանց էլեկտրաէներգիայի սառցակալած էլեկտրագծերի և ընկած կոմունալ սյուների պատճառով: Երկրով մեկ չեղարկվել է ավելի քան 16,000 չվերթ, հիմնական օդանավակայանները ժամանակավորապես փակվել են, իսկ դպրոցներն ու համալսարանները անցել են հեռավար ուսուցման: Արտակարգ դրություն է հայտարարվել առնվազն 12 նահանգներում:

Բացի այդ, ուժեղ ձնաբքի պատճառով մասնավոր ինքնաթիռ է վթարի ենթարկվել Մեն նահանգի Բանգոր օդանավակայանից թռիչքի ժամանակ: CNN-ը հաղորդում է, որ ինքնաթիռում եղած 8 մարդկանց (ենթադրաբար՝ անձնակազմի երեք անդամ և հինգ ուղևոր) վիճակը դեռևս անհայտ է։