Ռուսաստանի Դաշնության Ստավրոպոլի երկրամասի Եսենտուկի քաղաքի Սուրբ Հռիփսիմե եկեղեցու տարածքում տեղադրվել է հայտնի «Մե՛նք ենք մեր սարերը» («Տատիկ - պապիկի արձան», «Մե՛նք ենք մեր լեռները») հուշարձանի կրկնօրինակը։

Հուշարձանի և խաչքարի օծմանը մասնակցել է Հայ Առաքելական Եկեղեցու Կրասնոդարի և Հյուսիսային Կովկասի թեմի առաջնորդ եպիսկոպոս Մովսես Մովսեսյանը։ Ներկա են եղել նաև Վլադիկավկազից, Միներալնիե Վոդիից, Նովոռոսիյսկից, Կիսլովոդսկից, Ստավրոպոլից, Կրասնոդարից, Արմավիրից և Կուբանի Սլավյանսկից ներկայացուցիչներ։