Русский
ԱՄՆ նախագահ Դոնալդ Թրամփն ակնկալում է, որ Չինաստանի նախագահ Սի Ծինպինը կայցելի Միացյալ Նահանգներ մինչև տարեվերջ։
«Ես ապրիլին կմեկնեմ Չինաստան։ Նա կգա տարեվերջին, և ես անհամբեր սպասում եմ նախագահ Սիի հետ հանդիպմանը», - ասել է Թրամփը Դավոսից Վաշինգտոն թռչող ինքնաթիռում լրագրողներին։
ԱՄՆ նախագահը նաև հիշատակել է նախկինում լարված հարաբերությունները, բայց ընդգծել, որ դրանք այժմ գերազանց են։ «Նայեք, թե ինչ գյուղատնտեսական արտադրանք են նրանք գնում։ Նրանք գնում են սոյա, շատ սոյա, և դա ուրախացնում է մեր ֆերմերներին և ինձ»,- ասել է Թրամփը։
Հոկտեմբերին Սի Ծինպինի հետ հեռախոսազրույցից հետո Թրամփը հայտարարել էր, որ ընդունել է Չինաստան 2026 թվականի ապրիլին այցելելու հրավերը։ Նա նաև ասել էր, որ Սին էլ կայցելի Միացյալ Նահանգներ։