Ռուսաստանի Դաշնության անվտանգության խորհրդի փոխնախագահ, ՌԴ նախկին նախագահ Դմիտրի Մեդվեդեւը գրել է․

«ԱՄՆ-Իրան հակամարտությանը դադար է տրվել։ Ինչպես և կանխատեսվում էր, երկու կողմերն էլ հաղթանակ հայտարարեցին։

Այսպիսով, ո՞վ հաղթեց։ Առաջին հերթին՝ առողջ բանականությունը, որի հանդեպ հավատը լրջորեն խաթարվեց Սպիտակ տան՝ մեկ օրում իրանական քաղաքակրթությունը ոչնչացնելու պնդումներով։

Բայց Թրամփի՝ տասը կետից բաղկացած ծրագիրը քննարկելու համաձայնությունն ինքնին իրանցիների հաղթանակն է։ Հարցն այն է, թե արդյոք Վաշինգտոնը կհամաձայնի դրան. վերջիվերջո, այն ներառում է Իրանին հասցված վնասի փոխհատուցում, միջուկային ծրագրի շարունակություն ու Թեհրանի կողմից Հորմուզի նեղուցի վերահսկողություն։

Ակնհայտ է, որ ոչ։ Դա նրանց համար նվաստացուցիչ կլիներ և կնշանակեր իրական հաղթանակ ԻԻՀ-ի համար։

Հետո ի՞նչ։ Ավելի շատ ռազմական գործողություննե՞ր։

Հնարավոր է, բայց կա միջանկյալ տարբերակ։ Թրամփը չի ցանկանում ու չի կարողանում երկար պատերազմել, և Կոնգրեսը չի աջակցի նրան։ Հետևաբար, պետք է պահպանվի փխրուն զինադադար, և բոլորը պետք է ձևացնեն, թե ամեն ինչ լավ է։ Որովհետև այս տախտակի վրա յուրաքանչյուր քայլ ստեղծում է ցուգցվանգին մոտ իրավիճակ։

Բայց սա շախմատ է, որը խաղում են ոչ թե երկու, այլ երեք խաղացողներ։ Կա նաև Իսրայելը, և նա չի խաղում ԱՄՆ-ի կողմից։ Նրան հրադադար պետք չէ, և նա չի լուծել իր սեփական խնդիրները։ Եվ նա կարող է շատ լավ անել իր քայլը՝ պարզապես մաքրել բոլոր խաղաքարերը շախմատի տախտակից։ Սա իրավիճակը դարձնում է չափազանց անորոշ։

Հետևաբար, ռուսաֆոբ եվրոպական ոչխարները ստիպված կլինեն երկար ժամանակ ապրել խնայողության մեջ։
Ի վերջո, էժան նավթ չի լինի...»։