Միացյալ Նահանգներն արագ կարձագանքի Իրանի հարձակումներին, եթե Իսլամական Հանրապետությունը որոշի Վաշինգտոնի խոստացված «աննախադեպ պատժամիջոցներին» պատասխանել ռազմական սրմամբ, «Financial Times»-ում գրել է ԱՄՆ ֆինանսների նախարար Սքոթ Բեսենթը։

«Եթե ռեժիմի իշխանության վրա ազդեցությունը թուլանա տնտեսության հետ մեկտեղ, Իրանը դիմի ռազմական գործողությունների ԱՄՆ զորքերի կամ Պարսից ծոցի իր հարևանների դեմ, վստահ եղեք. նախագահ [ԱՄՆ Դոնալդ] Թրամփը կպատասխանի արագ և վճռականորեն», - գրել է Բեսենթը։

Նա ընդգծել է, որ Վաշինգտոնի նպատակն այս փուլում տնտեսապես Թեհրանին լիովին մեկուսացնելն է։

Ավելի վաղ Բեսենթն X-ում գրել էր, որ ԱՄՆ-ն երկուշաբթի օրը նախատեսում է «ֆինանսական հարձակում» սկսել Իրանի դեմ։