Փոխվարչապետ Մհեր Գրիգորյանի գրասենյակից հերքել են սահմանազատման հետևանքով Նոյեմբերյանի Բերդավան գյուղի հարակից հայկական մարտական դիրքերն Ադրբեջանի վերահսկողության տակ անցնելու մասին լուրերը։ Պնդել են, թե այդ լուրերն իրականությանը չեն համապատասխանում։

Այս թեմայով «Արմենպրես»-ի հարցին ի պատասխան՝ Մհեր Գրիգորյանի գրասենյակից նշել են հետևյալը․

«Հայաստանի և Ադրբեջանի միջև սահմանագծման արդյունքում հայկական կողմի` դիրքային կամ տարածքային զիջումներ կատարելու մասին որոշ տեղեկատվական ռեսուրսներում վերջին օրերին տարածված լուրերը և հանգամանքները չեն համապատասխանում իրականությանը»: