Բրյուսելում կայանալիք հանդիպման ժամանակ ԱԳ նախարարները կհաստատեն Հայաստանի համար ԵՄ առաքելության ստեղծումը «հիբրիդային սպառնալիքների դեմ պայքարելու համար», հայտարարել է Եվրոպական Միության արտաքին գործերի և անվտանգության քաղաքականության բարձր ներկայացուցիչ Կայա Կալլասը։

«Նախարարները կհամաձայնեցնեն Հայաստանի հետ նոր գործընկերային առաքելություն ստեղծելու հարցը, որը կզբաղվի այնտեղ առկա հիբրիդային սպառնալիքների դեմ պայքարով», – ասել է Կալլասը ԵՄ արտաքին գործերի նախարարների հանդիպումից առաջ։