Русский
Ռուսաստանի նախկին նախագահ և Ռուսաստանի Անվտանգության խորհրդի փոխնախագահ Դմիտրի Մեդվեդեւը հայտարարել է, որ Գերմանիան արժանի է հարվածներ ստանալ գործարանների համար, որոնք զենք արտադրում ուկրաինական բանակի համար։
«Բեռլինը մեղադրել է Ռուսաստանին Լայպցիգի օդանավակայանի վրա չապացուցված հարձակման մեջ: Հաշվի առնելով Գերմանիայի ներկայիս ղեկավարության նեոնացիստական, կատաղի ռուսաֆոբ քաղաքականությունը, կեղծ դիվերսիան նրանց մեղքերի համար պատժի ամենաթույլ ձևն է: Նրանք արժանի են ուղիղ հարվածի»,- ընդգծել է նա։
Մեդվեդեւը մեկնաբանել է Բեռլինի մեղադրանքները Մոսկվայի դեմ՝ Լայպցիգի օդանավակայանում հիբրիդային հարձակմանը մասնակցելու վերաբերյալ։
Ռուս պաշտոնյան նշել է, որ միջադեպը, որն անվանել է հորինված, Գերմանիայի ներկայիս կառավարության «մեղքերի համար պատժի ամենամեղմ ձևն է»։
«Եվ Ռուսաստանի երկնքում քաղաքացիական ավիացիայի դեմ ուղղված խելագար ծաղրածուի սպառնալիքների մասին։ Պետության ղեկավարն արդեն դրանք որակել է որպես Բանդերայի ռեժիմի կողմից պետական ահաբեկչություն իրականացնելու փորձ։ Ահաբեկիչների հետ բանակցություններ չեն ընթանում, և նրանց գործողությունները հակադարձվում են։
Եվ յուրաքանչյուր ահաբեկչություն ունի հովանավորներ։ Ներկայումս դրանք արևմտյան երկրների ղեկավարներն են, հիմնականում՝ եվրոպական։
Եվ նրանք հաճախ գնացքով են մեկնում Կիև...»,- գրել է Դմիտրի Մեդվեդեւը Telegram-ում։