ԱՄՆ նախագահ Դոնալդ Թրամփն ազատել է Դաշնային ընտրական աջակցության հանձնաժողովի անդամներին Կոնգրեսի միջանկյալ ընտրություններից առաջ, հաղորդել է Reuters-ը՝ հղում անելով աղբյուրներին։

Կառույցն անկախ դաշնային հանձնաժողով է, որը օգնում է երկրի ողջ տարածքում ընտրությունները կազմակերպելու համար պատասխանատու պաշտոնյաներին։

Հանձնաժողովը բաղկացած է չորս անդամից, բայց հինգշաբթի օրվա դրությամբ մնացել են միայն երեքը, քանի որ մեկ անդամ հեռացել է այս տարվա սկզբին։

«Միակ հանրապետականը հրաժարական է տվել, և երկու դեմոկրատներին իրենց ազատման մասին տեղեկացվել են էլեկտրոնային փոստով», - հաղորդել է Reuters-ը։

Քանի որ նահանգային կառավարություններն են պատասխանատու ԱՄՆ-ում ընտրությունների կազմակերպման համար, 2002 թվականին ստեղծված հանձնաժողովը կատարում է միայն օժանդակ գործառույթներ, այդ թվում՝ քվեարկության համակարգերի հավաստագրումը։ 2026 թվականին միջանկյալ ընդհանուր ընտրությունները կանցկացվեն նոյեմբերի առաջին՝ 3-րդ երեքշաբթի օրը։